Пошук


26.01.2017 17:56  

Сустрэча адбылася 25 студзеня ў Ватыкане падчас агульнай аўдыенцыі Пантыфіка. 69-гадовы Шварцэнэгер прэзентаваў Пантыфіку кнігу пра амерыканскі штат Каліфорнію, губернатарам якой ён быў з 2003 па 2011.

Вядома, што Арнольд Шварцэнэгер — практыкуючы католік.

Сёння акцёр і палітык займаецца заснаванай ім у 2010-м годзе незалежнай арганізацыяй «R20 — Суб’екты кліматычных дзеянняў», якая імкнецца дапамагчы субнацыянальным урадам краін ва ўсім свеце развіваць ідэю выкарыстання нізкага ўзроўню вугляроду і трымацца тых мадэляў эканамічнага развіцця, якія не прыводзяць да змянення клімату.



У часы губернатарства Шварцэнэгера ў Каліфорніі ў параўнанні з іншымі часткамі ЗША былі ўведзены больш строгія нормы для газавых выкідаў  транспартных сродкаў.

Былы губернатар Каліфорніі выступае за абарону навакольнага асяроддзя, а таксама за развіццё новых метадаў у медыцыне, некаторыя з якіх, аднак, Каталіцкі Касцёл не ўхваляе.

У свой час ён наступным чынам выказваўся адносна выкарыстання бюджэтных сродкаў на развіццё медыцыны: «Я католік і вельмі адданы католік, але гэта не перашкаджае прыняццю маіх рашэнняў. Я ведаю, што, напрыклад, даследаванні ствалавых клетак могуць спрыяць у лячэнні шэрагу хваробаў. Таму я за развіццё медыцыны ў гэтым напрамку».

Паводле Ватыканскага радыё і сайта mogaznews.com (IL)

Абноўлена 05.06.2017 13:29
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Дух хоча жыць у нас –
мы пакліканы да вечнага жыцця