Пошук

26.11.2020 10:50   Паводле: КАІ / Пераклад і адаптацыя: Мікола Гракаў / Catholic.by
Брат Раньеро Канталямэса OFMCap. Фота: ilgraffio.online

Брат Раньеро Канталямэса OFMCap, які на Кансісторыі 28 лістапада ўвойдзе ў Калегію Кардыналаў, адмовіўся ад належнага яму паводле кананічнага права біскупскага пасвячэння.

Як са спасылкай на сакратара кардынала-наміната паведаміла Каталіцкае інфармацыйнае агенцтва КАІ, Папа Францішак даў дыспенсу 86-гадоваму прапаведніку Папскага Дома. У Калегіі ўжо ёсць два кардыналы, якія адмовіліся ад біскупскага пасвячэння. Гэта 99-гадовы французскі езуіт Альбер Вануа SI і яго 92-гадовы сабрат з Албаніі Эрнэст Сімоні SI.

Годнасць кардынала не звязана з біскупскім пасвячэннем і з’яўляецца выразам удзячнасці брату Раньеро за шматгадовае служэнне прапаведніка Папскага Дома.

У гэтай якасці ў перыяд Адвэнту і Вялікага посту ён праводзіў духоўныя разважанні для Рымскай Курыі, а ў Вялікую пятніцу прамаўляў гаміліі ў ватыканскай базыліцы святога Пятра.

Абноўлена 26.11.2020 14:42
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа