Фота: Catholic Outlook
Святы Айцец звярнуўся да філіпінскіх каталіцкіх педагогаў з заклікам вучыць моладзь быць не толькі выдатнымі студэнтамі.
Як паведамляе беларуская рэдакцыя парталу Vatican News, з 21 па 25 верасня каля 1500 каталіцкіх выхавальнікаў, настаўнікаў, універсітэцкіх выкладчыкаў гэтай азіяцкай краіны ўдзельнічае ў штогадовым адукацыйным кангрэсе.
Сёлета па прычыне пандэміі ён праходзіць у анлайн-фармаце.
У пасланні за подпісам Дзяржаўнага Сакратара Папы Францішка кардынала П’етро Параліна Пантыфік заахвоціў вучыць моладзь не толькі крытычнаму мысленню, але і хрысціянскаму вучэнню і этыцы.
Гэта, на яго думку, дапаможа сфармаваць людзей, гатовых браць на сябе вялікую адказнасць у грамадстве і сведчыць у свеце аб сапраўднай веры.
