28 сакавіка студэнты Вышэйшай духоўнай семінарыі ў Гродне з прэфектам кс. Андрэем Лішко ў чарговы раз наведалі дом-інтэрнат для дзяцей-інвалідаў у Галавічполлі.
Галавічполле — вёска, у якой знаходзіцца дом-інтэрнат для дзяцей, што не толькі маюць асаблівасці псіхафізічнага развіцця, але і адчуваюць вельмі моцны недахоп у бацькоўскай любові і клопаце. Таму менавіта гэтае месца Бог выбраў для таго, каб няспынна аказваць дзецям неабходную падтрымку для паўнавартаснага фізічнага і духоўнага развіцця.
Дзякуючы ахвярнай працы персаналу семінарысты акунуліся ў атмасферу любові, даверу і ўзаемападтрымкі.
Таму супольна перажыты з дзецьмі час стаў для будучых святароў яшчэ адным заклікам несці жыццядайнае пасланне Евангелля для самых абяздоленых, хворых і пакінутых.
Асабліва цяпер, падчас Вялікага посту, гэтая сустрэча прынесла духоўныя плёны для семінарыстаў і вялікую радасць дзецям.
