Пошук


11.03.2019 12:31   Тэкст і фота: Андрэй Юхнік / Catholic.by

11 сакавіка семінарыйная супольнасць у Гродне з нагоды нядаўняга Міжнароднага жаночага дня сабралася на супольнай Эўхарыстыі, каб маліцца за жанчын, якія сваёй адданай працай у сценах семінарыі на працягу многіх гадоў далучаюцца да важнай справы фармавання асобы святара.

Цэлебрацыю св. Імшы з гэтай нагоды ўзначаліў біскуп Юзаф Станеўскі.

Падчас літургіі іерарх выказаў шчырыя словы падзякі як тым жанчынам, якія працуюць у семінарыі, так і ўсім маці, сёстрам і бабулям семінарыстаў і іх духоўных фарматараў.

Рэктар семінарыі кс. Віталь Вайцяхоўскі напрыканцы Эўхарыстыі таксама павіншаваў жанчын і пажадаў ім самага галоўнага — быць святымі.

   

Пасля св. Імшы ўсе сабраліся за святочным сталом, а семінарысты падрыхтавалі музычны падарунак для супрацоўніц семінарыі. Студэнты заспявалі песню «Пра рушнікі», якую пераклаў на беларускую мову былы рэктар семінарыі, а сёння дапаможны біскуп Гродзенскай дыяцэзіі Юзаф Станеўскі.

Супольнасць Міждыяцэзіяльнай духоўнай семінарыі ў Гродне віншуе ўсіх жанчын і жадае ім няспынна ўзрастаць у імкненні наследаваць Найсвяцейшую Панну Марыю ў веры і ахвярнасці Пану, штораз больш усведамляць бясцэннасць свайго жыццёвага паклікання і заўсёды заставацца сімвалам прыгажосці і пяшчоты.

Абноўлена 11.03.2019 13:10
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Дух хоча жыць у нас –
мы пакліканы да вечнага жыцця