Пошук



Гісторыя Касцёла — неад’емная частка сусветнай гісторыі, ведаць якую і памятаць неабходна для таго, каб з улікам урокаў мінулага сёння будаваць лепшую будучыню.

Што адбылося ў гісторыі Касцёла на гэтым тыдні ў мінулыя гады? Запрашаем у невялікае гістарычнае падарожжа!

17 лютага

  • 1387 — паводле прывілея вялікага князя Ягайлы створана Віленскае біскупства
  • 1448 — падпісанне дзяржаўнай дамовы (Канкардату)  паміж Святым Пасадам і Свяшчэннай Рымскай імперыяй
  • 1826 — папа Леў XII зацвердзіў Кангрэгацыю місіянераў Аблатаў Беззаганнай Панны Марыі

18 лютага

  • 1984 — падпісанне дзяржаўнай дамовы (Канкардату) паміж Святым Пасадам і Італіяй

19 лютага

  • 607 — Баніфацый III быў абраны Папам

20 лютага

  • 1798 — папа Пій VI быў выкрадзены арміяй Напалеона і дастаўлены ў Сіену
  • 1878 — кардынал Джаакіно Pэcci быў абраны Папам і прыняў імя Льва XIII

21 лютага

  • 362 — пасля смерці імператара Канстанціна II біскуп Атаназій Вялікі вярнуўся з выгнання ў пустыні ў Александрыю
  • 1173 — Томас Бэкет быў кананізаваны папам Аляксандрам III
  • 1431 — перад біскупскім судом у французскім Руане пачаўся працэс над святой Жанай Д'Арк
  • 1513 — памёр папа Юлій II
  • 1730 — памёр папа Бэнэдыкт XIII
  • 1801 — нарадзіўся Джон Генры Ньюман, англійскі тэолаг, кардынал

22 лютага

  • 896 — папа Фармоз каранаваў Арнульфа з Карынту германскім імператарам
  • 1281 — кардынал Сымон дэ Бры быў абраны Папам і прыняў імя Марцін IV
  • 1288 — кардынал Джыроламо Маскі быў абраны Папам і прыняў імя Мікалай IV
  • 1300 — папа Баніфацый VIII абвясціў 1300 г. юбілейным годам
  • 1387 — Ягайла выдаў другую грамату аб наданні прывілеяў баярам ВКЛ, якія прынялі каталіцкае веравызнанне
  • 1986 — на Філіпінах пачалася так званая «Рэвалюцыя Ружанца», якая прывяла да падзення і ўцёкаў з краіны дыктатара Фердынандо Маркаса
  • 1996 — папа Ян Павел ІІ падпісаў апостальскую канстытуцыю Universi Dominici Gregis, якая рэгулюе дзеянні, якія праводзяцца пасля смерці Папы і выбару яго наступніка

23 лютага

  • 532 — пачата будаўніцтва храма Святой Сафіі ў Канстанцінопалі
  • 1455 — умоўная дата выдання першай друкаванай кнігі — Бібліі Гутэнберга
  • 1417 — нарадзіўся папа Павел II
  • 1447 — памёр папа Яўген IV

24 лютага

  • 303 — рымскі імператар Дыяклетыян выдаў указ, які забараняў практыкаванне хрысціянскай рэлігіі
  • 1530 — папа Клімэнт VII каранаваў Карла V імператарам Свяшчэннай Рымскай імперыі
  • 1536 — нарадзіўся папа Клімэнт VIII
  • 1582 — папа Грыгорый XIII булай Inter gravissimas абвясціў аб рэфармаванні летазлічэння і ўвядзенні Грыгарыянскага календара, які сёння выкарыстоўваецца ў большасці краін свету
Абноўлена 20.02.2019 13:10
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.