Пошук


01.07.2018 13:48   Фота: Віталій Палінеўскі / Catholic.by

Пад золкаю імжою каля гадзіны дня ў Нацыянальны санктуарый Маці Божай Будслаўскай падышла першая пешая пілігрымка. Разам са сваім пробашчам кс. канонікам Дзмітрыем Барылам Маці Божую першымі прывіталі пілігрымы парафіі Найсвяцейшай Панны Марыі Ружанцовай і святога Дамініка з в. Ракаў (Валожынскі дэканат).

У сёлетняй пілігрымца з Ракава ў Будслаў, пераадолеўшы 135-кіламетровы шлях, увайшлі 95 пілігрымаў.

Адразу за імі разам з біскупам Аляксандрам Яшэўскім, біскупскім вікарыем для г. Магілёва і Магілёўскай вобласці, увайшла пілігрымка з Барысава, удзельнікі якой — усяго 106 чалавек — пераадолелі 115 кіламетраў.

Змоклыя, але поўныя энтузіязму, радаснымі спевамі яны прывіталі Найсвяцейшую Маці ў Яе будслаўскай святыні.

Абноўлена 02.07.2018 01:41
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.