Каля 50 дзяцей разам са сваімі бацькамі са Шчучына прынялі ўдзел у сёлетнім конкурсе на самую прыгожую і арыгінальную калядную батлейку. Аўтары, ствараючы свае творы, вылучыліся крэатыўнасцю і вынаходніцтвам.
Батлейкі журы ацэньвала ў дзвюх катэгорыях. У першай спаборнічалі дзеці да 5-га класа, а ў другой — старшакласнікі. Усе канкурсанты атрымалі маленькія падарункі, а самыя лепшыя працы атрымалі вышэйшыя адзнакі і ўзнагароды.
