З нагоды надыходзячага свята Божага Нараджэння гурт Вышэйшай духоўнай семінарыі ў Гродне «Ave» выступіў у Гродзенскім прафесійна-тэхнічным каледжы бытавога абслугоўвання.
Амаль кожны год семінарысты сустракаюцца з навучэнцамі каледжа, каб разам з імі паглыбіцца ў сэнс перажывання перыяду Божага Нараджэння. Невыказна цёплая і шчырая атмасфера падчас канцэрта спрыяла таму, каб прысутныя маглі адчуць блізкасць Бога, Яго айцоўскую любоў і няспынную падтрымку, дапамогу і апеку ў іх штодзённым жыцці.
Семінарысты спадзяюцца, што гэтая сустрэча пакіне пасля сябе незабыўны след у душы навучэнцаў каледжа і моцна паўплывае на іх далейшае духоўнае жыццё.
