Дзень маці — міжнароднае свята, якое ў кожнай краіне адзначаецца ў розныя дні. У Беларусі Дзень маці святкуюць 14 кастрычніка, на якое прыпадае вялікае праваслаўнае свята — Пакроў Прасвятой Багародзіцы. Напярэдадні гэтага дня «Карытас» Мінска-Магілёўскай архідыяцэзіі і Віцебскай дыяцэзіі арганізавалі святочныя сустрэчы для матуль і іх дзяцей.
У Мінску для матуляў выступілі выхаванцы Цэнтра дадатковай адукацыі дзяцей і моладзі «Светач», а дзеці разам з валанцёрамі ў гэты час падрыхтавалі для мамаў паштоўкі-падарункі. Таксама дзейнічала вясёлая фотазона, дзе кожны мог прымерыць на сябе розныя вобразы. Пасля ўрачыстай часткі ўсіх гасцей чакалі падарункі і салодкі стол.
У «Карытас» Віцебскай дыяцэзіі таксама не абыйшлі гэтае свята. Супрацоўнікі падрыхтавалі цікавую сустрэчу. За душэўнай гутаркай і кубкам гарбаты госці — удзельнікі клуба «Другое дыханне» — распавядалі пра сваё жыцце, чыталі вершы, а па заканчэнні сустрэчы кожны атрымаў падарунак.
