Да гадавіны абрання св. Яна Паўла ІІ Папам Рымскім дуэт Laudans зняў кліп на песню «Zdumienie». Гэтую песню напісалі ўдзельнікі гурта на верш св. Яна Паўла ІІ «Zdumienie» («Здзіўленне») з «Рымскага трыпціха».
Раней беларуская версія гэтай песні з’явілася на дыску Laudans — «Завысока заблізка».
Здымкі кліпа Laudans адбываліся на рацэ Іслач каля Ракава. Рэжысёр кліпа — Расціслаў Смольскі, аператар — Аляксандар Бондараў, якія працавалі над відэа для многіх беларускіх музыкаў, у тым ліку над кліпам Зміцера Вайцюшкевіча «Матуля».
«Кліп “Zdumienie” — гэта выказ нашай удзячнасці Богу за асобу св. Яна Паўла ІІ. Гэта таксама ўдзячнасць польскаму Касцёлу, святарам і вернікам, за дапамогу Касцёлу ў Беларусі, у тым ліку тым, хто падтрымлівае Laudans» — дадаюць удзельнікі гурта Андрэй Лугін і Алена Палачанская.
