Gloria in excelsis Deo («Хвала на вышынях Богу»), — так спявалі анёлы, паведамляючы пастухам аб нараджэнні Збаўцы свету. Так жа заспявалі і наймалодшыя парафіяне касцёла Святога Духа ў Гродне, аддаючы хвалу Нованароджанаму Пану.
Вялікай радасцю для ўсёй гродзенскай парафіі стаў першы аўдыёдыск з каляднымі песнямі, запісаны парафіяльным музычным гуртом «Анёлы». На дыск увайшлі творы як на беларускай, так і на польскай мове.
На сённяшні момант гурт «Анёлы» налічвае 25 дзяцей ва ўзросце ад 4 да 11 гадоў.
У яго прафесійнай скарбонцы ўжо некалькі ўзнагародаў за ўдзел у конкурсах і фестывалях.
Двойчы «Анёлы» станавіліся пераможцамі фестывалю Piosenki polskie religijnej, які праходзіў у Гродне.
У парафіі шчыра спадзяюцца, што дзеці будуць з Божай дапамогай радаваць новымі дасягненнямі.
Падтрымаць маленькіх артыстаў і набыць дыск можна ў парафіі Святога Духа. Няхай на гэтае свята Божага Нараджэння ў кожнай сям’і загучыць анёльскі спеў.
