Пошук


30.09.2017 21:04   Catholic.by

Фота Віталія Палінеўскага
Фота Віталія Палінеўскага

30 верасня пасля вечаровай святой Імшы ў касцёле Найсвяцейшай Тройцы (св. Роха) на Залатой Горцы ў Мінску быў прадстаўлены выніковы дакумент, у якім падсумаваны тэмы і абмеркаванні ўдзельнікаў пленарнага пасяджэння Рады Канферэнцый Біскупаў Еўропы (РКБЕ).

Як адзначалася раней, гэты дакумент паслужыць у падрыхтоўцы Сіноду Біскупаў, які пройдзе ў 2018 годзе і будзе прысвечаны тэме моладзі.

Тэкст паслання››

У пасланні біскупы Еўропы пацвердзілі «свой абавязак удзельнічаць у шляху Еўропы», бо лічаць яе сваім «духоўным заданнем».

«Народам і краінам мы адрасуем нашае заахвочванне даць адказ нават на прывабныя праявы секулярызму, які штурхае на тое, каб жыць без Бога ці да таго, каб абмежаваць Яго толькі ў прыватнай прасторы, падмацоўваючы парастак індывідуалізму і нараджаючы самотнасць», — адзначаюць іерархі.

Закранаючы тэму моладзі, якая, як і тэма будучыні Еўропы, абмяркоўвалася на асамблеі РКБЕ, біскупы заўважылі, што з боку епіскапатаў іх краін «праявілася вялікая сімпатыя, якая перайшла ў жаданне слухаць і спадарожнічаць моладзі з цярплівасцю і любоўю».

«Касцёл моцна верыць у моладзь, мае да яе павагу і давер, як маці да сваіх дзяцей», — падкрэслілі еўрапейскія іерархі.

Было адзначана, што падчас працы на асамблеі ўсплылі «пэўныя занепакоенасці»: распаўсюджанне і пагаршэнне ў грамадстве індывідуалізму, якое нараджае няўпэўненасць і самотнасць.

Удзельнікі пасяджэння нагадалі, што толькі Хрыстус з’яўляецца «глыбокім і жывым коранем», прамаўляючы да сэрца, «каб даць магчымасць адшукаць сябе па-за палітыкай і эканомікай».

Напрыканцы паслання біскупы выказалі пажаданне, каб словы Езуса «не бойся, Я з табою» дасягнулі сэрцы жыхароў Еўропы:

«Не бойся, старажытная Еўропа, быць сама сабою, вярніся на шлях айцоў, якія марылі пра цябе як пра дом народаў і краін, як пра плодную маці дзяцей і цывілізацый, як пра зямлю адкрытага і цэласнага гуманізму. Так, не бойся, май давер! Касцёл — твой сябра», — заключылі іерархі.

Абноўлена 01.10.2017 10:41
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Дух хоча жыць у нас –
мы пакліканы да вечнага жыцця