Фрагмент гэтай унікальнай і рэдкай кнігі захоўваецца ў Нацыянальнай бібліятэцы Германіі ў Ляйпцыгу. Спецыяльным рэйсам у суправаджэнні экспертаў-кнігазнаўцаў, дыпламатаў і супрацоўнікаў аховы кніга прыбыла ў Нацыянальную бібліятэку Беларусі.
Выданне лічыцца самым старажытным, знакамітым і дарагім у Еўропе, яно стане экспанатам на выстаўцы «Францішак Скарына і яго эпоха», якая адкрыецца ў Нацыянальнай бібліятэцы ў Мінску 15 верасня.
Біблія Гутэнберга традыцыйна з’яўляецца пунктам адліку гісторыі кнігадрукавання ў Еўропе і з яе пачынаецца пераход ад Сярэднявечча да сучаснасці. Кніга надрукавана гатычным шрыфтам у дзве калонкі, пры гэтым прапісныя літары і загалоўкі выкананыя ўручную з варыяцыямі малюнка.
У свеце захавалася толькі некалькі экзэмпляраў гэтага ўнікальнага выдання.
