У кастрычніку ў франіцшканскім кляштары пры касцёле Беззаганнага Зачацця Найсвяцейшай Панны Марыі ў Удзеле (Віцебская дыяцэзія, Глыбоцкі дэканат) распачнецца новы цыкл сустрэч для падлеткаў і моладзі «Уікэнд з Марыяй».
Арганізатары запэўніваюць, што цяпер ён абяцае быць асаблівым, бо праект падзелены на два фарматы для рознага ўзросту: ўік-энд 13+ і ўік-энд 18+.
Першы у гэтым сезоне ўік-энд 13+ адбудзецца з 4 па 6 кастрычніка.
Галоўным госцем на ім будзе адказны за душпастырства моладзі Віцебскай дыяцэзіі ксёндз Алег Хмылко з Полацка, які прапануе ўдзельнікам засяродзіцца на першай Божай запаведзі: «Не май іншых Багоў, апроч Мяне».
Кошт — добраахвотнае ахвяраванне ў адвольным памеры.
План на гэтыя дні:
- 4 кастрычніка, пятніца
- ад 19.00 – рэгістрацыя
- 20.00 – пачатак ўікэнда
- супольны вечар
- уводзіны ў тэму ўікэнда
- 22.30 – спачынак
- 5 кастрычніка, субота
- 8.30 – Ютрань
- 9.00 – снеданне
- 10.00 – І канферэнцыя (праводзіць кс. Алег Хмылко)
- пустыня
- 12.00 – адарацыя Найсвяцейшага Сакрамэнту
- 13.00 – абед
- рэкрэацыя
- 15.00 – Вяночак да Божай Міласэрнасці
- сустрэча з госцем
- праца ў групках
- 17.00 – час для брата і сястры
- 18.00 – Нешпары
- 18.30 – вячэра
- падрыхтоўка да святой Імшы
- 20.00 – святая Імша з Фацімскім ружанцам
- 21.30 – супольны вечар ля каміна
- 23.30 – спачынак
- 6 кастрычніка, нядзеля
- 8.30 – Ютрань
- 9.00 – снеданне
- 9.45 – падсумаванне ўікэнда
- 11.00 – святая Імша
- каля 14.00 – абед і раз’езд
Уікэнд 18+
Для ўсіх старэйшых за 18 гадоў — паглыбленне веры, духоўнае развіццё, адпачынак ад мітусні і глыбокія размовы.
Даты правядзення:
- 8–10 лістапада
- 31 студзеня – 2 лютага
Уікэнд 13+
Для дзяцей і падлеткаў ад 13-і гадоў — атмасфера супольнасці, гульні і абмеркаванні важных пытанняў праз прызму хрысціянскай веры.
Даты правядзення:
- 4–6 кастрычніка
- 6–8 снежня
- 28 лютага – 2 сакавіка
Агульны ўікэнд адбудзецца ў маі, дзе ўдзельнікі ўсіх узростаў змогуць сустрэцца разам.
- Дата правядзення: 2–4 мая
Падрабязная інфармацыя, праграма і анлайн-рэгістрацыя ўдзельнікаў па спасылцы ТУТ>>>
Па пытаннях звяртацца праз сацыяльную сетку Інстаграм @weekend_mary>>>, або па тэлефоне: +375 (29) 772 56 78 – айцец Віктар.
Айцы францішкане чакаюць вас на «Уікэндзе з Марыяй»!
