У новым навучальным годзе Хрысціянскі сацыяльны цэнтр пры Місіі Добрага Самараніна ў Мінску запрашае дзяцей і падлеткаў на шэраг спецыялізаваных заняткаў і сустрэч, разлічаных на розныя групы ўдзельнікаў.
- Пробны занятак па футболе для дзецей 5–12 гадоў
Прафесійны трэнер пакажа, як забіваць галы, адбіраць мяч, гуляць у камандзе, бегаць. Навучыць цікавым футбольным «фішкам» і дасць парады бацькам адносна фізічнага развіцця дзіцяці.
Пасля пробнага занятка ўсе ахвотныя дзеткі змогуць запісацца на рэгулярныя трэніроўкі, якія распачнуцца з верасня.
Час правядзення пробнага занятку — 30 жніўня а 17.00
- Сустрэчы для падлеткаў «Я шукаю сваё месца ў свеце»
Заняткі па развіцці асабовага патэнцыялу падлеткаў, якія праходзяць у форме групавых сустрэч і падыходзяць для дзяцей, пачынаючы з 5 класа і скончваючы старэйшым школьным узростам.
Што даюць такія сустрэчы?
- падлеткі вучацца разумець сябе і іншых людзей: пачуцці, патрэбы, жаданні, каштоўнасці;
- будаваць і захоўваць адносіны, супрацоўнічаць;
- фармуляваць і дасягаць мэты, прымаць рашэнні і браць адказнасць за іх;
- падлеткі атрымаюць інструменыт для вырашэння вонкавых і ўнутранных канфліктаў і самарэгуляцыі.
Форма заняткаў адрозніваецца ад традыцыйных «урокаў», бо фокус ідзе на індывідуальнасць кожнага дзіця, педагог не займае пазіцыю «эксперта», а становіцца старэйшым сябрам і правадніком у свет дарослых.
Час правядзення: панядзелак 16.00–17.00
- Cустрэчы супольнасці «Самаранін» для дарослых і моладзі з абмежаванымі магчымасцямі здароўя
Асноўная мэта такіх сустрэч — стварэнне спрыяльных умоваў для сацыялізацыі і ўсебаковага развіцця, паляпшэнне камунікацыйных уменняў, стварэнне супольнасці, у якой кожны ўдзельнік зможа атрымаць падтрымку, раскрыць свае здольнасці і патэнцыял.
Сустрэчы адбываюцца ў панядзелак і чацвер.
Падрабязны расклад сустрэч пададзены на старонцы Місіі Добрага Самараніна Samaranin.by>>>
- Карэкцыйныя заняткі для дзяцей з РАС «Крок за крокам»
Комплексныя заняткі для малодшых школьнікаў з РАС, асноўная мэта якіх — сацыялізацыя дзяцей з аўтызмам і інтэграцыя ў асяродак аднагодкаў.
У Хрысціянскім сацыяльным цэнтры распрацавана адмысловая сістэма працы з дзецьмі з РАС, а таксама сабрана лепшае абсталяванне і матэрыялы для заняткаў. Для найбольшай эфектыўнасці з дзецьмі працуюць некалькі спецыялістаў. Заняткі праходзяць у групавой і індывідуальнай форме.
Час правядзення заняткаў: аўторак, чацвер з 14.00 да 17.00
Падрабязны расклад заняткаў пададзены на старонцы Місіі Добрага Самараніна Samaranin.by>>>
- Групы падоўжанага дня для школьнікаў
Цэнтр прапануе карыснае, адказнае, навучальна-пазнавальнае правядзенне часу ў коле сяброў, якім блізкія агульначалавечыя каштоўнасці, у прысутнасці кампетэнтных настаўнікаў і выхавацеляў.
Падчас падоўжанкі вучні атрымаюць:
- дапамогу ў падрыхтоўцы хатніх заданняў;
- тлумачэнні і падтрымку ў разборы незразумелых момантаў у навучанні;
- магчымасць наведаць розныя гурткі (шахматны, музычныя, мастацкія, моўныя, спартовыя).
Дзіця будзе знаходзіцца ў асяроддзі аднагодкаў, якія жывуць хрысціянскімі каштоўнасцямі. Гэта спрыяе духоўнаму развіццю асобы і эмацыйнаму сталенню.
Час правядзення: штодзённа з панядзелка па пятніцу з 12.30 да 18.30
Месца правядзення ўсіх сустрэч і заняткаў:
Хрысціянскі сацыяльны цэнтр
г. Мінск, вул. Серафімовіча, 19
Дадатковая інфармацыя і запіс:
- +375 (17) 343 99 17
- +375 (44) 770 09 01 (рэцэпцыя)
Электронная пошта: Samaranin16@gmail.com
