Дзеці з Місіі Добрага Самараніна, якая дзейнічае ў Мінску, запісалі беларускую версію гімна да Сусветнага Дня дзіцяці «Гэта мы», які пройдзе у Рыме 25–26 мая з удзелам Папы Францішка.
Як паведамляецца на сайце Місіі Добрага Самараніна Samaranin.by, дзеці падрыхтавалі запіс гімна ў сапраўднай студыі гуказапісу. Для іх гэта была сапраўдная прыгода, першы такі досвед, таму ўражанняў засталося шмат.
На сайце Місіі змешчаны аўдыёзапіс гімна, а таксама тэкст з акордамі.
1 чэрвеня ў Будславе адбудзецца святкаванне Сусветнага Дня дзіцяці, што ў гэтым годзе спалучана са штогадовай сустрэчай дзяцей, якія сёлета прыступілі да Першай святой Камуніі.
У сустрэчы возьме ўдзел Мітрапаліт Мінска-Магілёўскі арцыбіскуп Юзаф Станеўскі.
Арганізатары запрашаюць дзяцей з усіх дыяцэзій Беларусі.
