18 снежня Беларуская рэспубліканская навукова-метадычная рада па пытаннях гісторыка-культурнай спадчыны прыняла рашэнне аб неабходнасці надання статусу гісторыка-культурнай каштоўнасці шасці новым аб’ектам і элементам.
Пра гэта паведамляецца ў тэлеграм-канале kulturagrodno.
Сярод новых аб’ектаў — тры каталіцкія святыні.
Гэта касцёл святога Лаўрэнція 1913 года пабудовы ў гарадскім пасёлку Ушачы (Віцебская дыяцэзія), якому была нададзена другая катэгорыя — нацыянальнае значэнне.
Трэцюю катэгорыю гісторыка-культурных каштоўнасцяў рэгіянальнага значэння атрымала капліца святога Яна Хрысціцеля другой паловы XVIII стагоддзя паблізу вёскі Краснаазёрнае (Гродзенская дыяцэзія, Смаргонскі дэканат, парафія святога Юды Тадэвуша ў Вішневе). Такую ж катэгорыю атрымала яшчэ адна святыня — касцёл святога апостала Андрэя 1908–1914 гадоў пабудовы у мястэчку Лынтупы (Віцебская дыяцэзія, Пастаўскі дэканат).
