З 16 па 19 жніўня ў дамініканскай парафіі святога Казіміра і святой Ядзвігі ў Магілёве, дзе душпастырскае служэнне нясуць айцы дамінікане, праходзіў майстар-клас па мастацтве іканапісу.
Гэта былі чатыры дні інтэнсіўнай працы і малітвы пад кіраўніцтвам прафесійнай мастачкі Валянціны Аўсяннікавай, на працягу якіх удзельнікі стварылі ікону святога Дамініка. Падобныя майстар-класы ладзяцца ў парафіі не ўпершыню. Сёлета ў іх узялі ўдзел чатыры асобы: двое школьнікаў, студэнт з Мінска і маці шматдзетнай сям’і.
