14 верасня Упаўнаважаны па справах рэлігій і нацыянальнасцяў Аляксандр Румак скіраваў ліст новапрызначанаму арцыбіскупу Мітрапаліту Мінска-Магілёўскаму Юзафу Станеўскаму, у якім павіншаваў яго з гэтым прызначэннем.
Падаем неафіцыйны пераклад з рускай мовы ліста Упаўнаважанага.
Мітрапаліту Мінска-Магілёўскай архідыяцэзіі
Рыма-Каталіцкага Касцёла ў Рэспубліцы Беларусь
арцыбіскупу Юзафу Станеўскаму
Ваша Эксцэленцыя!
Ад усёй душы віншую Вас з прызначэннем арцыбіскупам Мітрапалітам Мінска-Магілёўскай архідыяцэзіі Рыма-Каталіцкага Касцёла ў Рэспубліцы Беларусь.
Многія стагоддзі гісторыя беларускага народа была шчыльна звязана з Рыма-Каталіцкім Касцёлам. Сёння Каталіцкі Касцёл працягвае сваю стваральную працу па захаванні і развіцці духоўнай спадчыны Беларусі, выхаванню ў грамадзянаў нашай краіны міласэрнасці, спачування, адказнасці і патрыятызму.
Упэўнены, Ваша Эксцэленцыя, што ў важным духоўным служэнні Вы будзеце рабіць значны ўнёсак у развіццё такіх запатрабаваных у беларускім грамадстве традыцыйных хрысціянскіх каштоўнасцяў, якія сімвалізуюць дабро, любоў, надзею і з’яўляюцца духоўна-маральным арыенцірам для многіх людзей.
Выказваю надзею, што Ваш багаты духоўны вопыт і ў далейшым будзе знаходзіць прызнанне ў вернікаў, спрыяць умацаванню традыцый самабытнасці і талерантнасці беларускага народа, захаванню міжканфесійнага міра і згоды ў нашай краіне.
Прыміце самыя шчырыя пажаданні моцнага здароўя, аптымізму, доўгіх гадоў жыцця, Божай дапамогм ў высакародным служэнні дзеля дабра Касцёла і Бацькаўшчыны.
З павагай,
Упаўнаважаны А.А. Румак
