Крэатыўна адзначылі 80-ю гадавіну мучаніцтва святога Максімільяна Кольбэ айцы францішкане ў Івянцы: з гэтай нагоды ў суботу 14 жніўня там адбыўся Першы парафіяльны мастацкі плэнер.
47 аматараў жывапісу з Івянца, Мінска, Гродна і Новай Мышы пад кіраўніцтвам мастачкі Надзі Букі спрабавалі авалодаць майстэрствам малявання з натуры ў тэхніцы акварэлі.
Некаторыя з удзельнікаў пленэру ўжо даўно займаюцца маляваннем, іншыя ўпершыню ўзялі ў рукі пэндзлі, але кожны адзначыў, што гэты час прынёс задавальненне, дазволіў яшчэ больш развіць свае здольнасці і падараваў магчымасць сустрэць аднадумцаў.
Гасцінныя івянецкія парафіяне пад кіраўніцтвам пробашча парафіі святога Міхала арханёла айца Паўла Раманчука OFMConv накармілі аматараў мастацтва абедам, а пасля ўсе ахвотныя мелі магчымаць убачыць творчы плён плэнеру на імправізаванай выставе на адкрытым паветры.
