У суботу 22 мая Апостальскі нунцый Антэ Ёзіч у прыватным парадку наведаў праваслаўны Свята-Успенскі манастыр у Жыровічах, дзе памаліўся перад адной з самых шанаваных хрысціянскіх рэліквій Беларусі — цудатворнай іконай Маці Божай Жыровіцкай.
Гэтая старадаўняя выява Багародзіцы на камені стала першым на нашых землях цудадзейным абразом Маці Божай, каранаваным папскімі каронамі.
Каранацыя жыровіцкай іконы адбылася ў 1730 годзе.
Раней нунцый Ёзіч наведаў Будслаў, дзе памаліўся перад іконай Маці Божай Будслаўскай.
Прадстаўнік Папы Францішка ў нашай краіне таксама памаліўся аб вечным жыцці для спачылага Ганаровага Экзарха ўсяе Беларусі Мітрапаліта Філарэта, пахаванага ў манастыры ў Жыровічах.
