Дабрачыннае каталіцкае таварыства Caritas Беларусь сумесна з партнёрамі з Renovabis (Германія) і Caritas Linz (Аўстрыя) у гэтым годзе пачало рэалізацыю Міжнароднага гуманітарнага дабрачыннага праекту YES! (Youth Empowerment and Strengthening) — «Скарачэнне беднасці праз працаўладкаванне сацыяльна неабароненай моладзі ў менш развітых рэгіёнах Беларусі».
Мэта праекту — павысіць узровень жыцця маладых людзей Беларусі ва ўзросце 18–35 гадоў, якім патрабуецца падтрымка.
У жніўні ў гэтых рэгіёнах каардынатары пачалі падбор кандыдатаў на пасады трэнераў праекту. Іх навучанне плануецца ў сярэдзіне лістапада. У бліжэйшы час выйдуць дапаможнікі для правядзення трэнінгаў і інфармацыйныя матэрыялы для працы рэгіянальных цэнтраў.
Нацыянальны офіс Caritas правёў конкурс на пасаду экспертаў праекту з мэтай прыцягнення да супрацоўніцтва лепшых спецыялістаў.
За апошнія месяцы Нацыянальны Caritas правёў перамовы і падпісаў шэраг пагадненняў. Гэта мемарандум аб супрацоўніцтве ў галіне дасягнення Мэтаў устойлівага развіцця паміж таварыствам Caritas у Беларусі і Мясцовым сацыяльным фондам «Добра» па сумесных намаганнях у дасягненні мэтаў устойлівага развіцця ў Рэспубліцы Беларусь; пагадненні аб супрацоўніцтве з Рэспубліканскай канфедэрацыяй прадпрымальніцтва і ААТ «Белаграпрамбанк» у межах сумеснага праекту «Цэнтры прыцягнення Igrow», накіраванага на развіццё малога і сярэдняга бізнесу і вылучэння абсталяваных памяшканняў для правядзення моладзевых трэнінгаў.
Рыхтуюцца пагадненні з рэгіянальнымі Caritas. Таксама падпісаны пагадненні аб супрацоўніцтве з ІКУ «Садзейнічанне развіццю бізнесу», Інстытутам сацыялогіі Нацыянальнай акадэміі навук Беларусі і інш.
Нацыянальны каардынатар праекту пры падтрымцы супрацоўнікаў Нацыянальнага Caritas арганізаваў скайп-сустрэчы з каардынатарамі праекту.
У іх межах праходзяць навучанне і кансультаванне пры ўдзеле юрыста і спецыяліста па сувязях з грамадскасцю Нацыянальнага Caritas, іншых спецыялістаў і экспертаў праекту.
У жніўні і верасні дыяцэзіяльныя каардынатары наладзілі ўзаемадзеянне з прадстаўнікамі раённых выканаўчых камітэтаў. Яны арганізавалі сустрэчы, на якіх прадстаўнікі органаў улады атрымалі інфармацыю пра гэты праект і планы па яго рэалізацыі на тэрыторыі раёнаў. Была дасягнута дамоўленасць аб супрацоўніцтве і падтрымцы праекту на дзяржаўным узроўні, складзена схема працы па праекце з удзелам дзяржаўных структур.
Акрамя таго, дыяцэзіяльныя каардынатары наладзілі ўзаемадзеянне з прадстаўнікамі СМІ з мэтай анансавання праекту. Па выніках сустрэч у рэгіёнах выйшлі інфармацыйныя артыкулы аб ім.
Была прынята прапанова аб формах удзелу ў праекце валанцёраў. Прайшлі сустрэчы з будучымі трэнерамі. Была атрымана падтрымка абласных камітэтаў па працы, занятасці і сацыяльнай абароне насельніцтва ў шэрагу абласцей, каб стварыць групы маладых людзей з інваліднасцю для ўдзелу ў ім. Каардынатары праекту абменьваюцца вопытам.
Такім чынам, каардынатары і супрацоўнікі Caritas Беларусь актыўна працуюць над гэтым праектам.
Яны ўдзельнічаюць у мерапрыемствах, як арганізаваных Нацыянальным Caritas, так і прапанаваных шматлікімі партнёрамі праекту.
Каманда праекту YES! запрашае да супрацоўніцтва і ўдзелу шырокае кола маладых людзей і ўсіх зацікаўленых у яго рэалізацыі.
Атрымаць дадатковую інфармацыю можна:
праз e-mail: yes.caritasby@gmail.com
па тэлефонах: +375 44 741 68 51; +375 29 773 93 77.
