У новым нумары газеты Гродзенскай дыяцэзіі «Слова жыцця» (№ 9 (630) 2024) ідзе гаворка пра тое, з чаго пачынаецца катэхетычная праца і як павысіць узровень унутранай энергіі, а таксама апавядаецца асаблівая гісторыя цесляра з Гродна.
Катэхетычная праца пачынаецца са спазнання выхаванцаў. Пра тое, як стаць катэхетам і як выглядае «адваротны бок» катэхетычнай паслугі, ідзе гаворка ў інтэрв’ю з ксяндзом Андрэем Лішко, дактарантам Кёльнскага ўніверсітэта каталіцкай тэалогіі па катэхетыцы і рэлігійнай педагогіцы.
Выраб павінен мець «жывы» край. Гісторыя цесляра з Гродна, які даверыў сваю справу заступніцтву святога Юзафа, рамесніка.
У чым заключаецца жыццёвая сіла чалавека? Пра вітальнасць і пра тое, як павысіць узровень унутранай энергіі, разважае псіхолаг.
Пра гэта і не толькі можна прачытаць у чарговым нумары газеты Гродзенскай дыяцэзіі «Слова жыцця».
Набыць газету можна пачынаючы з 28 красавіка ў парафіях Гродзенскай дыяцэзіі і ў парафіі святога Яна Евангеліста і святога Максімільяна Кольбэ ў Мінску (м-н Кунцаўшчына).
PDF-версія газеты на беларускай і польскай мовах пададзены на сайце Grodnensis.by.
