Фота: Анастасія Раманава
Парафіяда дзяцей і моладзі Мінска-Магілёўскай архідыяцэзіі, правядзенне якой планавалася з 5 па 9 жніўня, пераносіцца на наступны год.
Сёлета ў Івянцы ўжо ў дзясяты раз павінна была прайсці архідыяцэзіяльная парафіяда дзяцей і моладзі — касцёльнае спартова-культурнае мерапрыемства.
Аднак з-за складанай эпідэміялагічнай сітуацыі было вырашана правесці парафіяду ў наступным годзе.
Арганізатары заклікаюць усіх, хто меў намер сёлета ўзяць удзел у мерапрыемстве, не засмучацца і па-хрысціянску, у духу парафіяды, перанесці гэтае выпрабаванне, каб наступным летам сабрацца ў яшчэ большай колькасці.
