Фота Віталія Палінеўскага
Падчас пастырскай сустрэчы духавенства і кансэкраваных асобаў, якая праходзіла ў Мінску 19 снежня, ксёндз Кірыл Бардонаў прадставіў распрацаваны план мерапрыемстваў душпастырства моладзі Мінска-Магілёўскай архідыяцэзіі на 2020 год.
У плане прадугледжаны такія традыцыйныя мерапрыемствы, як чуванні, пілігрымкі і Парафіяда.
Адметнасцю наступнага года стане малітоўная сустрэча моладзі (МСМ), якая пройдзе ў маі ў Маладзечне.
План мерапрыемстваў
- 6 лютага — сустрэча моладзі «Дыялог з Мітрапалітам. Касцёл і сям’я. Складаныя маральныя пытанні» (Мінск, касцёл святога Сымона і святой Алены (Чырвоны касцёл), пачатак у 19.30 у тэатральнай зале; адказны кс. Кірыл Бардонаў)
- 29 лютага — сустрэча моладзі Магілёўскага рэгіёна на тэму: «Як абараняць сваю веру» (Магілёў, катэдральны касцёл Унебаўзяцця Найсвяцейшай Панны Марыі і святога Станіслава; адказны кс. Віталій Маргуноў)
- 28–29 сакавіка — велікапоснае начное чуванне моладзі (Мінск, касцёл святога Сымона і святой Алены (Чырвоны касцёл); адказны кс. Кірыл Бардонаў)
- 18 красавіка — велікоднае чуванне моладзі Магілёўскага рэгіёна на тэму «Адчыніце дзверы Хрысту» (Чавусы; адказны кс. Віталій Чабатар CMF)
- 1–3 мая — Малітоўныя дні моладзі (МСМ, г. Маладзечна; адказны кс. Андрэй Бурак)
- 16–17 мая — «Адпачынак з Богам» для моладзі Магілёўскага рэгіёна (Касцюковічы; адказны кс. Андрэй Далянскі)
- 3–4 ліпеня — Будслаўскі фэст (пілігрымкі ў Будслаў з удзелам моладзі)
- 20–26 ліпеня — «Музычная майстэрня» (г.п. Івянец; адказны а. Яўген Голуб OFM)
- 5–9 жніўня — Парафіяда (г.п. Івянец; адказныя кс. Юрый Санько і кс. Павел Беразун)
- 5–6 верасня — пілігрымка з удзелам моладзі і фэст у гонар Маці Божай Бялыніцкай (пачатак у Магілёве, катэдральны касцёл Унебаўзяцця Найсвяцейшай Панны Марыі і святога Станіслава; адказны кс. Віталій Маргуноў)
- 28 лістапада — дыяцэзіяльная інтэграцыйная сустрэча «Андрэйкі» (Мінск, араторый пры парафіі св. Яна Хрысціцеля (Серабранка); адказны кс. Алег Каралёў SDB)
- 12–13 снежня — адвэнтавае чуванне моладзі (Мінск, катэдральны касцёл Найсвяцейшага Імя Марыі; адказны кс. Андрэй Бурак)
Увага! У пададзеным плане магчымыя змены і ўдакладненні. Сачыце за навінамі на партале Catholic.by.
