Апублікавана «Новая хартыя работнікаў сферы аховы здароўя».
Як адзначае ў прадмове да дакумента ранейшы, цяпер спачылы, старшыня Папскай рады па справах душпастырства работнікаў сферы аховы здароўя арцыбіскуп Зыгмунт Зімоўскі, Касцёл заўсёды разглядаў служэнне хворым як «неад'емную частку сваёй місіі». У 1985 г. Ян Павел ІІ заснаваў гэтую Папскую раду з намерам прапанаваць на выклікі, якія ўзніклі ў сферы аховы здароўя, адказ, падмацаваны верай і надзеяй.
У 1994 г. тагачасны старшыня Папскай рады кардынал Ф'ёрэнцо Анджэліні апублікаваў першае выданне «Хартыі работнікаў сферы аховы здароўя», якая была перакладзена на 19 моваў і стала добрым дапаможнікам для падрыхтоўкі прафесіяналаў розных узроўняў у гэтай сферы.
У выніку новых дасягненняў у біямедыцыне і іншых навуках і ў сувязі з дыскусіямі па гэтай тэме Папская рада палічыла неабходным перагледзець і абнавіць дакумент, захаваўшы яго першапачатковую структуру.
Такім чынам, разгледжаныя раней тэмы выкладаюцца тут больш даступнай і сучаснай мовай, дапоўнены ў навуковым і змястоўным плане, суправаджаюцца абноўленымі тэалагічнымі заўвагамі да дакументаў, цытаты з якіх змешчаны ў тэксце.
Файлы для спампоўвання (PDF)
- Новая хартыя работнікаў сферы аховы здароўя | вокладка
- Новая хартия работников здравоохранения | вокладка
Гл. таксама: На міжнароднай медыцынскай канферэнцыі ў Віцебску была прадстаўлена «Новая хартыя работнікаў сферы аховы здароўя»
