21 чэрвеня ў Беларусі адзначаецца Дзень медыцынскіх работнікаў. З гэтай нагоды Старшыня ККББ арцыбіскуп Юзаф Станеўскі, Мітрапаліт Мінска-Магілёўскі, кіруе ў адрас усіх медыцынскіх работнікаў нашай краіны словы віншаванняў.
Паважаныя медыцынскія работнікі, дарагія браты і сёстры!
Ад усяго сэрца віншую вас з вашым прафесійным святам — Днём медыцынскага работніка.
Прафесія лекара, медсястры, фельчара — гэта не проста праца. Гэта вялікае пакліканне і служэнне. Вы кожны дзень змагаецеся за здароўе людзей. Вы дорыце ім надзею і суцяшэнне.
У Бібліі сказана, што Бог стварыў лекара для дапамогі людзям, і яго веды — ад Усявышняга (пар. Сір 38, 1-2). Вашы рукі і добрыя сэрцы часта становяцца прыладай Божай міласэрнасці на зямлі. Вы першымі прыходзіце на дапамогу ў самыя цяжкія хвіліны жыцця. Ваш клопат, цярпенне і вернасць абавязку заслугоўваюць самай глыбокай павагі.
У гэты святочны дзень я шчыра малюся за кожнага з вас. Няхай Бог захоўвае вас і вашыя сем'і. Няхай Ён адорыць вас моцным здароўем і духоўнымі сіламі, цярпеннем і мудрасцю ў вашай нялёгкай працы, а таксама падзякамі і ўсмешкамі вашых пацыентаў.
Няхай Божае благаслаўленне заўсёды будзе з вамі і дапамагае ў вашай высакароднай справе!
Са шчырай павагай і малітвай,
ваш пацыент,
Арцыбіскуп Юзаф Станеўскі
Мітрапаліт Мінска-Магілёўскі,
Старшыня Канферэнцыі Каталіцкіх Біскупаў Беларусі
