23 чэрвеня з Баранавічаў у дарогу да Маці Божай Будслаўскай выйшлі пешкі тры святары і адзін брат законны.
За апошнія тры дзесяцігоддзі пілігрымаванне стала неад’емнай часткай жыцця беларускіх католікаў. Сёлета, нягледзячы на немагчымасць правядзення арганізаваных пілігрымак з прычыны эпідэміі, Нацыянальны санктуарый у Будславе ўсё адно прыцягвае шанавальнікаў Маці Божай і ўжо дакладна не застанецца без пілігрымаў.
Сярод іх — тры святары і адзін законны брат, якія пешкі ідуць у Будслаў з Баранавічаў.
Іх прыватная пілігрымка арганізавана толькі ўласнымі сіламі. Пераадольваючы штодзённы шлях — у сярэднім каля 30–35 км, — яны моляцца ў інтэнцыях, якія кожны можа даслаць на акаўнт у сацяльнай сетцы Instagram. Віртуальна далучаючыся да пілігрымаў анлайн, ахвотныя могуць цзяць удзел у супольным Вяночку да Божай Міласэрнасці, Нешпарах ці нават паслухаць канферэнцыю з незвычайнай пілігрымкі.
