17 мая ў Мінску пасля працяглай хваробы адышоў у вечнасць Юрый Зісер, заснавальнік парталу TUT.BY, прадпрымальнік, грамадскі дзеяч, мецэнат.
Юрый Зісер захапляўся старажытнай музыкай і ігрой на аргане, лічыў, што «без хрысціянства немагчыма зразумець гісторыю».
У 2017 годзе на нашым партале быў апублікаваны матэрыял Ільі Лапато «„Калі я рэпецірую, мая жонка шчыльна закрывае ўсе дзверы“: Юрый Зісер пра арган і павагу да хрысціянства», прысвечаны гэтай шматбаковай і неардынарнай асобе.
Як паведаміў партал TUT.BY, у сувязі з эпідэміялагічнай сітуацыяй развітанне са спачылым пройдзе ў вузкім коле. Сям’я Юрыя Зісера просіць ушанаваць яго памяць дома, а замест кветак зрабіць ахвяраванне на барацьбу з COVID-19.
Рэдакцыя парталу Catholic.by выказвае спачуванне родным, блізкім і супрацоўнікам спачылага Юрыя Зісера.
Вечны адпачынак дай яму, Пане…
