Згодна з распараджэннем арцыбіскупа Тадэвуша Кандрусевіча, пробашчы парафій Мінска-Магілёўскай архідыяцэзіі павінны вызначыць дату правядзення ўрачыстасці Першай святой Камуніі, перанёсшы яе на пазнейшы час.
РАСПАРАДЖЭННЕ
Мітрапаліта Мінска-Магілёўскага арцыбіскупа Тадэвуша Кандрусевіча
У сувязі са складанай эпідэміялагічнай сітуацыяй у нашай краіне, а таксама ўлічваючы рэкамендацыі Міністэрства аховы здароўя Рэспублікі Беларусь адносна ўстрымання ад правядзення масавых мерапрыемстваў, пастанаўляю, што запланаваныя ў 2020 годзе ўрачыстасці Першай святой Камуніі ў Мінска-Магілёўскай архідыяцэзіі павінны быць перанесены на верасень гэтага года. Канкрэтную дату правядзення гэтых урачыстасцяў вызначае пробашч парафіі.
Што датычыцца ўдзялення сакрамэнту канфірмацыі ў гэты час, то тэрміны пераносяцца па ўзгадненні з біскупам, які ўдзяляе сакрамэнт канфірмацыі.
Дзякую за разуменне.
З малітвай і благаслаўленнем
Арцыбіскуп Тадэвуш Кандрусевіч
Мітрапаліт Мінска-Магілёўскі
Мінск, 20 красавіка 2020 г.
