18 снежня ў парафіі Святой Сям’і ў Лідзе прайшла сустрэча святароў і кансэкраваных асобаў Гродзенскай дыяцэзіі.
Асаблівасцю гэтай сустрэчы духавенства стала традыцыйнае перад Божым Нараджэннем дзяленне аплаткамі.
У духоўнай канферэнцыі ксёндз Андрэй Шчупал, рэдэмптарыст, заахвоціў прысутных глыбей адчуць радасць Божага Нараджэння.
На аснове Апостальскага ліста папы Францішка Admirabile signum пра значэнне і важнасць бэтлеемскіх ясляў ён нагадаў, у чым выяўляецца гэтая радасць і наколькі яна важная ў жыцці святара.
Ксёндз Андрэй Шчупал CSsR падзякаваў біскупу Гродзенскаму Аляксандру Кашкевічу і дапаможнаму біскупу Юзафу Станеўскаму, якія таксама ўдзельнічалі ў сустрэчы, за штодзённы прыклад і айцоўскі клопат, якім пастыры ахінаюць усіх святароў іх дыяцэзіі: як малодшых, так і старэйшых.
Біскуп Кашкевіч выказаў шчырую падзяку ўсім прысутным за іх служэнне і ўдзяліў благаслаўленне на складаны перыяд Божага Нараджэння, які вельмі патрабуе святарскай адданасці.
Дарэчы, падобная сустрэча духавенства перад Божым Нараджэннем не адзіная ў Гродзенскай дыяцэзіі. У пятніцу святары і кансэкраваныя асобы Гродзеншчыны, якія не маглі прысутнічаць у Лідзе, разам памоляцца і падзеляцца аплаткамі ў сценах Міждыяцэзіяльнай духоўнай семінарыі ў горадзе над Нёманам.
