![](/3/images/news/2019/12/10834/2019-12-17-j1.jpg)
15 снежня ў санктуарыі Маці Божай Лагішынскай, Каралевы Палесся, адбылася прэзентацыя кнігі, прысвечанай гісторыі цудадзейнага абраза і яго ўшанавання мясцовымі вернікамі.
Прэзентацыя кнігі, якая называецца «Культ Найсвяцейшай Панны Марыі ў Літургіі і народнай пабожнасці Лагішынскага санктуарыя», адбылася адразу ж пасля прыміцыйнай святой Імшы, якую цэлебраваў перад цудадзейным абразом Каралевы Палесся новапрэзбітэр Януш Чарнамораў.
Кніга выйшла ў свет на падставе абароненай ксяндзом Янушам у Люблінскім каталіцкім універсітэце імя Яна Паўла ІІ магістарскай працы, прысвечанай культу Багародзіцы ў яго родных мясцінах.
З дазволу духоўных уладаў і ксяндза Здзіслава Янца, навуковага кіраўніка згаданай працы, новапрэзбітэр выдаў яе на дзвюх мовах: беларускай і польскай. У дадатак да польскамоўнага выдання прыкладаецца дыск з запісам каранацыі цудадзейнага абраза Маці Божай Лагішынскай, здзейсненай у 1997 годзе сведкам веры кардыналам Казімірам Свёнткам.
![](https://catholic.by/3/templates/catholic/img/left.png)
![](https://catholic.by/3/templates/catholic/img/right.png)
![](https://catholic.by/3/templates/catholic/img/close.png)
![](https://catholic.by/3/templates/catholic/img/close.png)