З 7 па 9 жніўня ў Віцебску праходзіла Пятая парафіяда дзяцей і моладзі Віцебскай дыяцэзіі пад дэвізам «Разам да святасці!»
Спаборніцтвы былі прысвечаны 20-годдзю заснавання Віцебскай дыяцэзіі, 10-годдзю каранацыі абраза Маці Божай Браслаўскай і 5-годдзю правядзення дыяцэзіяльнай парафіяды.
Пераможцам Пятай дыяцэзіяльнай парафіяды стала каманда з парафіі святога Міхала Арханёла ў Варапаеве.
Пра гэта паведаміў партал Catholicnews.by. Адным з арганізатараў сёлетняй парафіяды быў Caritas Віцебскай дыяцэзіі. У другі дзень спаборніцтваў разам з выступамі каманд адбыўся міні-фестываль інклюзіўнага танца.
У ім прынялі ўдзел інклюзіўныя калектывы з Першамайскага і Чыгуначнага ТЦСАН г. Віцебска, студыя «Імпэт» пры Caritas Віцебскай дыяцэзіі і сямейны інклюзіў-тэатр «І» з Мінска.
Вялікі фотарэпартаж з Пятай парафіяды дзяцей і моладзі Віцебскай дыяцэзіі ТУТ>>>
Дзеці і моладзь Варапаеўскай парафіі ў 2020 годзе будуць прадстаўляць Віцебскую дыяцэзію на 32-й Міжнароднай парафіядзе ў Варшаве, а пасля іх чакае двухтыднёвы адпачынак у Польшчы.
