Праз тры дні, 30 чэрвеня, завяршаецца запіс у Пятую пешую сямейную пілігрымку ў Нацыянальны санктуарый Маці Божай Будслаўскай, якая выйдзе з вёскі Пузыры 5 ліпеня.
Тэма сёлетняй сямейнай пілігрымкі — «Быць жывымі». Па дарозе яе ўдзельнікі будуць разважаць пра «Дзесяць правілаў жыцця паводле Жана Ванье».
Для самых малодшых пілігрымаў знаёмства з асобай і прынцыпамі жыцця Жана Ванье, заснавальніка супольнасці «Каўчэг», будзе арганізавана ў выглядзе пабудовы валошкавага каўчэгу падчас забаўляльнай праграмы на прыпынку.
Нагадваем, што пілігрымка, арганізаваная рухам сужэнскай духоўнасці Equipes Notre-Dame, аб’ядноўвае цэлыя сем’і. Пілігрымы выходзяць з вёскі Пузыры Мядзельскага раёна, што прыблізна ў пятнаццаці кіламетрах ад Будслава.
- Пілігрымка аднадзённая — 5 ліпеня.
- Зыходны пункт — в. Пузыры (каля 15 км ад Будслава).
- Для дзяцей будзе арганізавана спецыяльная забаўляльная праграма на прыпынку.
- Маці з маленькімі дзецьмі могуць прыняць удзел у пілігрымцы ў якасці аніматараў на прыпынку ці ў дапамозе на кухні.
- Будзе арганізавана транспартнае суправаджэнне (пры патрэбе ў любы момант можна пад’ехаць да прыпынку).
- Будзе арганізавана медыцынскае суправаджэнне (пры патрэбе ў любы момант можна звярнуцца па медыцынскую дапамогу як на прыпынку, так і ў дарозе).
Запіс у пілігрымку да 30 чэрвеня ТУТ>>>
ПРАГРАМА СЯМЕЙНАЙ ПІЛІГРЫМКІ
- 10.00 — рэгістрацыя ўдзельнікаў пілігрымкі.
- 11.00 — выхад пілігрымкі; спевы
- 11.10 — Гадзінкі аб Безаганным Зачацці Найсвяцейшай Панны Марыі.
- 11.40 — спевы.
- 11.50 — канферэнцыя «Быць жывымі»
- 12.30 — Ружанец у інтэнцыях кожнай сям’і
- 13.00 — абед; адпачынак.
- 14.00 — забаўляльная праграма для дзяцей «Валошкавы каўчэг»
- 15.00 — Вяночак да Божай Міласэрнасці.
- 15.20 — сведчанні; спевы.
- 16.00 — духоўнае практыкаванне «24 гадзіны для Марыі»
- 16.30 — Акт прысвячэння сям’і Найсвяцейшай Панне Марыі
- 17.00 — урачысты уваход у Будслаў пад гімн Маці Божай Мagnificat
Усю актуальную інфармацыю па пілігрымцы можна знайсці ў групе ВКонтакте «Суполкі Маці Божай» і на сайце рухy Equipes Notre-Dame.
Тэлефоны для даведак:
+375 (25) 987 29 28
+375 (44) 719 82 43 — Аліна і Максім Угорычы
