Фэст у Будславе штогод збірае тысячы ўдзельнікаў. Сёлета многім не давялося быць у гэтым святым месцы, але, каб адчуць хоць крыху той святочнай атмасферы, вернікі сабраліся ў касцёле Перамянення Пана ў Негарэлым, каб ушанаваць Апякунку Беларусі.
У святыню была ўрачыста ўнесена копія Будслаўскага абраза.
Парафіяне памаліліся перад абразом Ружанец за Беларусь, пасля праспявалі акафіст Маці Божай.
Урачыстасць завяршыла Імша ў інтэнцыі вернікаў.
