![](/3/images/news/2019/06/10026/2019-06-23-galodnyja-gulni-002.jpg)
22 чэрвеня ў Вёсцы спартсменаў, дзе жывуць удзельнікі Другіх еўрапейскіх гульняў, што цяпер праходзяць у беларускай сталіцы, адбылася першая святая Імша.
Цэлебрацыя Эўхарыстыі для міжнароднай супольнасці спартоўцаў і тых, хто іх суправаджае на гульнях, адбылася на англійскай мове. Святую Імшу цэлебравалі біскуп Мар’ян Флёрчык, адказны за душпастырства спатсменаў пры Канферэнцыі епіскапату Польшчы, кс. Эдвард Плень SDB, капелан польскай каманды і адказны за душпастырства ўдзельнікаў Другіх еўрапейскіх гульняў кс. Кірыл Бардонаў.
Як ён раней распавёў парталу Catholic.by ў спецыяльным інтэрв’ю, у алімпійскай вёсцы дзейнічае Міжканфесійны цэнтр, у якім арганізавана каталіцкая капліца. Рэгулярна пры ёй па чарзе дзяжураць сямёра акрэдытаваных беларускіх святароў.
Спартсмены і іншыя члены дэлегацый розных краін маюць магчымасць удзельнічаць у святой Імшы на розных мовах, паспавядацца ці проста паразмаўляць са святаром.
У складзе некаторых дэлегацый сярод суправаджаючых асобаў ёсць таксама свае душпастыры. Так, напрыклад, каманды Польшчы і Чэхіі прыбылі на гульні са сваімі святарамі.
![](https://catholic.by/3/templates/catholic/img/left.png)
![](https://catholic.by/3/templates/catholic/img/right.png)
![](https://catholic.by/3/templates/catholic/img/close.png)
![](https://catholic.by/3/templates/catholic/img/close.png)