У суботу 18 мая ў парафіі cвятога Міхала Арханёла ў Навагрудку адбудзецца IV Фестываль сям’і.
Мерапрыемства распачнецца cвятой Імшой у 10.00 у касцёле св. Міхала Арханёла (вул. Міцкевіча, 1) у інтэнцыі сем’яў. Пасля малітвы адбудзецца ўрачысты парад сем’яў з дзецьмі ў гарадскім парку.
Фестываль сям’і, які мае міжканфесійны характар, плануецца правесці ў дзвюх зонах. Першая зона — канцэртная пляцоўка для музычнай праграмы і паказу сямейных талентаў (спевы, вершы, аповеды).
У перапынках паміж выступамі вядучыя будуць праводзіць сямейныя конкурсы. Для дзяцей будуць працаваць «забаўляльныя астраўкі».
Для сем’яў будзе таксама магчымасць прыняць удзел у конкурсе сямейнай выпечкі, а ўсе ўдзельнікі змогуць правесці дэгустацыю слодычаў.
Мэтай правядзення мерапрыемства з’яўляецца ўмацаванне статусу сям’і і пашырэнне традыцыйных хрысціянскіх сямейных каштоўнасцяў, такіх, як сужэнская вернасць і шматдзетнасць.
