![](/3/images/news/2019/03/2019-03-12-2414_milagro_.jpg)
Хрысціянскі кінаклуб «Рэха» запрашае паглядзець анімацыйны фільм «Найвялікшы Цуд». Сустрэча адбудзецца 17 сакавіка ў мінскім касцёле Узвышэння Святога Крыжа (Кальварыйскі праезд, 1), пачатак у 19.00.
Фільм быў створаны ў Мексіцы ў 2011 г. режысёрам Брусам Морысам. Аўтары стужкі на падставе містычных аб’яўленняў святым паспрабавалі паказаць тое, што адбываецца падчас святой Імшы.
«Ваша праблема, — гаворыць анёл у фільме, — што вам трэба бачыць, каб паверыць». Святыя бачаць больш за астатніх. Святы Тамаш з Аквіна называў Эўхарыстыю найвялікшым цудам. Фільм дапамагае пабачыць тое, што не бачна вокам, але сапраўды здараецца падчас святой Імшы.
Каб лепш зразумець Цуд Эўхарыстыі, глыбей удзельнічаць у Найсвяцейшай Ахвяры Хрыста, варта паглядзець гэты фільм. Цудоўна, калі ўся сям’я прыйдзе ў кінаклуб.
Уваход вольны.