Нацыянальны «Caritas» запрашае ўсіх жадаючых прыняць удзел у трэнінгу «Прадпрымальніцтва як від самазанятасці», які пройдзе ў межах праекту «Самазанятасць — шлях да фінансавай незалежнасці».
Першы трэнінг адбудзецца 30 студзеня ў цэнтры св. Лукі (Мінскі р-н, в. Ляскоўка, вул. Карытас, 1), пачатак у 11.00.
Трэнерам выступіць Ігар Мікульчык, старшыня праўлення, аналітык па фінансавай адукацыі і развіццю патэнцыялу арганізацыі, сертыфікаваны трэнер міжнароднага курсу па фінансавай адукацыі «Плануй сваю будучыню», член міжведамаснага каардынацыйнага савета пры Савеце міністраў і Нацыянальным банку Рэспублікі Беларусь па павышэнню фінансавай адукацыі насельніцтва.
Падчас трэнінгу будуць раскрыты юрыдычныя, кіраўніцкія, эканамічныя і псіхалагічныя аспекты прадпрымальніцкай дзейнасці.
Удзельнікі навучацца арганізоўваць эфектыўную прадпрымальніцкую дзейнасць, якая прыносіць прыбытак, пазнаёмяцца з асновамі маркетынгу, разгледзяць рызыкі ў прадпрымальніцтве, вызначаць магчымасць паспяховасці бізнесу праз правядзенне SWOT-аналізу і разгледзяць плюсы і мінусы індывідуальнага прадпрымальніка і юрыдычнай асобы, а таксама як правільна падабраць персанал.
Удзел у трэнінгу бясплатны.
Запісацца можна па электроннай пошце caritasby@gmail.com або па нумары +375 44 736 17 22 (Ганна)
