«Стань семінарыстам на ўік-энд» — пад такім дэвізам 15-16 снежня ў Вышэйшай духоўнай семінарыі ў Пінску будзе праходзіць акцыя для юнакоў, якія адчуваюць у сваім сэрцы пакліканне да святарства. Ужо трэці год падобнае мерапрыемства збірае маладых людзей, якія жадаюць бліжэй пазнаёміцца з рытмам жыцця будучых святароў.
Стаць семінарыстам на ўік-энд — гэта значыць пражыць адзін або некалькі дзён так, як жывуць семінарысты, акунуцца ў штодзённае жыццё духоўнай установы, якая рыхтуе будучых душпастыраў. Гэта магчымасць пражыць дзень ад пачатку і да канца так, як перажывае яго студэнт семінарыі: ад 6.00 да 22.30 — з малітвай і спортам, вучобай і працай, духоўна і фізічна. Адчуць рытм жыцця юнацкіх сэрцаў, якія прагнуць быць вучнямі Хрыста, рыхтуюцца без рэшты прысвяціць сябе ратаванню людскіх душаў.
Каб прыняць удзел у акцыі, неабходна загадзя паведаміць аб сваім прыездзе праз адзін з наступных кантактаў:
тэл. (0165) 65 41 45; +375 29 727 31 98; +375 256 044 186
e-mail: mvds@catholic.by
