Праглядам фільма «Дарога дадому», знятага паўднёвакарэйскім рэжысёрам Лі Джон Хянам, распачынаецца чарговы, ужо чацвёрты сезон у хрысцiянскiм кiнаклубе «Рэха».
Паказ стужкі, знятай у 2002 г., запланаваны ў межах цыклу «Цноты».
Фільм распавядае пра самае каштоўнае ў жыцці — сапраўдную любоў, якая здольная змяняць сэрцы. Гэта вельмі светлая і добрая гісторыя. Кінастужка атрымала 11 узнагародаў на розных фестывалях і любоў гледачоў па ўсім свеце. Фільм прысвечаны ўсім бабулям на зямлі.
Запрашаем нашых сяброў, а таксама тых, хто яшчэ ніколі не наведваў наш кінаклуб, на вечар кіно.
Прагляд адбудзецца 7 кастрычніка ў касцёле Узвышэння Святога Крыжа (Кальварыйскі праезд, 1; на тэрыторыі Кальварыйскіх могілак). Пачатак у 19.00. Уваход вольны.
