«Музычная Майстэрня» запрашае ўсіх аматараў хрысціянскай музыкі на фінальны канцэрт, які адбудзецца ў суботу 28 ліпеня ў Івянцы. Пачатак — у 20.30.
Больш за 150 маладых хрысціянскіх музыкаў з усёй Беларусі на працягу дзевяці дзён спасцігалі таямніцы літургічнага спеву і музычнага праслаўлення Бога, каб у чарговы раз з дапамогай прафесійных выканаўцаў прадэманстраваць плён сваёй працы.
Хуберт Кавальскі — вядомая асоба ў польскай хрысціянскай музыцы — разам з Янам Паспяшальскім, нязменным кіраўніком праекта «Музычнай майстэрні», абяцаюць слухачам паўтары гадзіны якаснай малітоўнай музыкі.
У суботу ў Івянцы на адной сцэне можна будзе пачуць вялікі зборны хор, які разам са смычковым квартэтам і неардынарнымі джазавымі музыкамі праславяць Бога сваёй ігрой і спевам, а маладыя акцёры з тэатральнай групы і дзясятак перкусіяністаў у адным супольным рытме вызнаюць сваю веру праз таленты, якімі іх адарыў Бог.
