Святочныя лагатыпы ў тэлеэфіры з’явяцца на ўсіх каналах Белтэлерадыёкампаніі ўжо 23 снежня. Прапануем вашай увазе расклад перадач на тэлеканалах «Беларусь 1», «Беларусь 3» і «Беларусь 24».
Тэлеканал «Беларусь 1»
Журналісты Агенцтва тэленавін раскажуць і пакажуць, як адзначаюць святы не толькі ў Беларусі, але і за мяжой.
24 снежня адразу пасля праграмы «Галоўны эфір» у 22.10 «Беларусь 1» пачне прамую трансляцыю святой Імшы на Божае Нараджэнне з касцёла св. Міхала Арханёла ў Івянцы. У 23.55 распачнецца прамая трансляцыя святочнай Імшы з Ватыкана з удзелам Папы Рымскага Францішка.
Раніца 25 снежня ў 7.00 для вернікаў выйдзе праграма «Слова Мітрапаліта Тадэвуша Кандрусевіча на Божае Нараджэнне».
Тэлеканал «Беларусь 3»
25 снежня ў 16.15 тэлегледачы разам з католікамі ўсяго свету ў прамой трансляцыі змогуць пабачыць зварот і благаслаўленне папы Францішка з Ватыкана. У 17.00 увазе гледачоў прадставяць тэматычную праграму «Камертон» з удзелам Мітрапаліта Мінска-Магілёўскага арцыбіскупа Тадэвуша Кандрусевіча.
Тэлеканал «Беларусь 24»
24 снежня ў 22.10 «Беларусь 24» прадставіць прамую трансляцыю святой Імшы на Божае Нараджэнне з касцёла св. Міхала Арханёла ў Івянцы, а ў 23.55 распачнецца прамая трансляцыя святочнай Імшы з Ватыкана з удзелам Папы Рымскага.
25 снежня ў 8.45 вернікаў чакае перадача «Слова Мітрапаліта Тадэвуша Кандрусевіча на Божае Нараджэнне». У 13.05 Мітрапаліт Кандрусевіч стане героем інтэрв’ю-праекта «24 пытанні». У 22.40 міжнародны спутнікавы тэлеканал пакажа лепшыя выпускі перадачы «Святыні Беларусі».
