Хрысцiянскi кiнаклуб «Рэха» ў час Адвэнту запрашае згадаць тое, што адбывалася ў Юдэі ў пачатку першага стагоддзя. 17 снежня ў 19.00 у касцёле Узвышэння Святога Крыжа пройдзе прагляд фільма «Нараджэнне Хрыста» (TheNativityStory), зняты Кэтрын Хардвік у ЗША ў 2006 г.
Мітуслівая атмасфера свята часта засланяе ад нас рэальную гісторыю, якая адбылася больш за 2000 гадоў таму. Аўтары фільма клапатліва ўзнаўляюць гістарычную канву тых далёкіх, няпростых і дзіўных падзей.
Магчыма, пасля прагляду фільма мы зможам адкрыць для сябе нешта новае пра Нараджэнне Хрыста. Давайце забудзем пра перадсвяточную мітусню і паспрабуем разам з Марыяй і Юзафам вярнуць Езуса ў Свята Нараджэння і ў нашыя сэрцы.
Прагляд фільма пройдзе па адрасе: г. Мiнск, Кальварыйскi праезд, 1.
