Cамабытныя музыкі, цудоўная акустыка і новы арган у касцёле Божага Цела ў Беразінскім — усё для таго, каб атрымоўваць асалоду ад музыкі і спеваў у адным з прыгажэйшых і ўтульных касцёлаў Маладзечаншчыны.
Штогод у жніўні тут праводзіцца фестываль хрысціянскай музыкі Laudato si'. Многія музыкі і госці натхняюцца ў Беразінскім атмасферай духоўнай раўнавагі. У бліжэйшы час плануецца распачаць гуказапіс хораў і арганнай музыкі.
Пачынаючы з кастрычніка 2017 года ў парафіі распачынаюцца арганныя канцэрты, якія будуць праходзіць штомесяц.
Расклад арганных канцэртаў на бліжэйшы час (магчымыя дапаўненні):
- 29 кастрычніка — канцэрт арганісткі Марыі Трапашка з Вішнева (Валожынскі раён)
- 26 лістапада — канцэрт арганіста Віктара Кісценя з Мінска
Для тых, хто хоча наведаць канцэрт, але мае патрэбу ў начлегу, просьба загадзя запісацца. Даведкі і запіс па тэлефоне і электроннай пошце: +375 176 750 17 96 (касцёл), sergecenter@tut.by
