З 18 кастрычніка ў мінскай архікатэдры (пл. Свабоды, 9) стартуюць «Вечары для закаханых». Да ўдзелу запрашаюцца пары любых веравызнанняў, як тыя, хто яшчэ толькі сустракаецца, так і тыя, хто ўжо вырашыў ажаніцца.
«Вечары» складаюцца з дзевяці сустрэч, якія працягваюцца 2-2,5 гадзіны і праводзяцца адзін раз на тыдзень — селёта ў кожную сераду ў 19.00. Апошняя сустрэча — 6 снежня.
У сустрэчах могуць браць удзел толькі абое закаханых. Праводзяцца яны ўдзельнікамі супольнасці «Сужэнскія Сустрэчы» — сужэнскімі парамі і святаром.
Кожны марыць, каб яго сужэнства было асаблівым і бездакорным, а адносіны з часам толькі паляпшаліся. «І гэта сапраўды вялікая ласка Божая, калі так яно і будзе», — сцвярджаюць арганізатары і прапануюць закаханым магчымасць акунуцца ў свет дыялогу і атрымаць бясцэнны інструмент пазнання адно аднаго.
Арганізатары не прапануюць удзельнікам тэорыю, а толькі досвед сямейнага і кансэкраванага жыцця. Методыка курсу «Вечароў для закаханых», правераная дзесяцігоддзямі, — добрая падрыхтоўка да сямейнага жыцця.
Запіс на «Вечары» па тэлефонах:
+375 (29) 772-91-66 Ганна Баярчук
+375 (44) 745-22-93 Павел Баярчук
