Фотавыстаўка Віктара Ведзеня «Дарогі, якімі мы Бога шукаем» будзе паказана падчас малітоўнай сустрэча моладзі Мінска-Магілёўскай архідыяцэзіі ў Івянцы.
З 28 па 30 ліпеня на тэрыторыі касцёла св. Міхала Арханёла моладзь і парафіяне змогуць праглядзець сюжэты з пілігрымак Мінск-Будслаў з 2013, 2015 і 2016 гг.
Апошні раз выстаўку паказвалі ў галерэі сталічнага кінатэатра «Дом кіно».
«Назіраю, што з кожным годам усё больш моладзі здзяйсняюць пілігрымку да Будслаўскай святыні, — дзеліцца аўтар. — Дарога да Маці Божай для кожнага пілігрыма асаблівая, са сваімі пакутамі і просьбамі, неверагоднымі жыццёвымі гісторыямі і цудамі».
Фатограф адзначае, што сустрэча моладзі ў Івянцы — добрая нагода ўзгадаць гэты шлях і зноў «вярнуцца ў стан поўнай надзеі і даверу да Богу, падзякаваць за шлях да сваей душы».
