Айцы марыяне запрашаюць вернікаў на штогадовыя ўрачыстасці ў Росіцы, якія адбудуцца 31 ліпеня — 1 жніўня. Гэта асаблівы час, калі мы разам успамінаем подзвіг веры благаслаўлёных мучанікаў — айцоў марыянаў Юрыя Кашыры і Антонія Ляшчэвіча, якія разам з вернікамі прынялі мучаніцкую смерць падчас Другой сусветнай вайны.
Росіца — гэта не проста вёска на поўначы Беларусі, ля самай мяжы з Латвіяй. Гэта месца, дзе гісторыя пераплятаецца з вечнасцю, дзе кроў мучанікаў стала насеннем хрысціянскай веры.
Праграма ўрачыстасцяў у Росіцы
31 ліпеня (пятніца)
18.00 — Імша для пілігрымаў,
19.00 — вячэра для пілігрымаў,
20.00 — Акафіст росіцкім мучанікам,
21.00 — выстаўленне Найсвяцейшага Сакраманту, святы Ружанец,
22.00 — канферэнцыя,
22.30 — малітва праслаўлення.
1 жніўня (субота)
0.00 — урачыстая святая Імша,
2.00 — працэсія на пляц мучаніцтва і адарацыя Крыжа,
3.00 — Росіцкі крыжовы шлях,
7.30 — Літургія ўсходняга абраду,
8.30 — снеданне,
10.00 — святая Імша на заканчэнне ўрачыстасці,
12.00 — абед.
Важна! Росіца знаходзіцца ў памежнай зоне, таму пры сабе абавязкова мець пашпарт.
Для тых, хто жадае прайсці духоўны шлях разам з іншымі пілігрымамі, арганізуюцца пешыя пілігрымкі з Полацка (28 ліпеня) і Друі (29 ліпеня) ў Росіцу. Вырашэнне прайсці гэтымі сцежкамі — гэта нагода для малітвы, разважанняў і ўнутранага абнаўлення перад святам. Падрабязная інфармацыя ТУТ>>>
«Запрашаем усіх вернікаў і тых, хто шукае духоўнага ўмацавання, наведаць гэтае святое месца. Няхай супольная малітва каля магілы мучанікаў стане для кожнага з нас крыніцай надзеі і сілы», — кажуць арганізатары.
