16 мая ў парафіі Маці Божай Фацімскай у Жодзіне (Мінска-Магілёўская архідыяцэзія, Барысаўскі дэканат) адбудзецца міністранскі спартыўны турнір.
Міністранты сабяруцца, каб правесці час разам, праславіць Бога ў малітве і міністранцкім служэнні, а таксама пазмагацца ў спартыўных спаборніцтвах.
Да ўдзелу запрашаюцца ўсе жадаючыя.
Арганізатары просяць да 5 мая (аўторак) паведаміць пра каманду, якая збіраецца прыехаць.
Узрост удзельнікаў — 10-17 гадоў уключна (дапускаюцца асобы маладзейшыя за 10 гадоў).
Каманды, якія складаюцца толькі з некалькіх асобаў, будуць злучаныя ў адну (па ўзаемнай згодзе апекуноў).
План спаткання
- 9.30 — з’езд каманд, гарбата,
- 10.00 — супольная малітва, распачацце турніра.
Турнір складаецца з наступных спартыўных спаборніцтваў:
- Футбол (гульні будуць адбывацца на вуліцы, на траве; пры дрэнным надвор’і, магчыма, будзе спартыўнала зала). Схема: 5+1 (у складзе два гульца да 12 гадоў уключна, два — 13-14 год і два 15-17 гадоў; калі ў камандзе няма старэйшых, можна замяніць малодшымі, але не наадварот!). Гульня: дзве паловы па 5 хвілін, гульні за месцы — дзве паловы па 7 хвілін.
- Дартс. Адзін старэйшы ўдзельнік (14-17 гадоў) і адзін малодшы (да 13 гадоў уключна).
- Настольны футбол. Адна каманда: малодшы (да 13 гадоў уключна) і старэйшы (14-17 гадоў).
- Настольны тэніс. Адзін старэйшы ўдзельнік (14-17 гадоў) і адзін малодшы (да 13 гадоў уключна).
- Эстафета. Чатыры удзельнікі: адзін — да 11 гадоў уключна, другі — 12-13 гадоў, трэці — 14-15 гадоў і чацвёрты — 16-17 гадоў.
Па тэхнічных прычынах дапускаеца змена спаборніцтваў або колькасці ўдзельнікаў у іх.
Рэкамендавана, каб у дартсе, настольным футболе, тэнісе і ў эстафеце бралі ўдзел розныя асобы, а не тыя ж самыя ва ўсіх конкурсах. Калі няма старэйшых удзельнікаў, у конкурсе ўдзельнічае малодшая асоба.
Узяць з сабой:
- Кандыдацкую стужку / комжу / альбу (датычыць усіх міністрантаў для ўдзелу ў літургіі, нават калі яны не служаць пры алтары).
- Спартыўную вопратку.
Па ўсіх пытаннях просяць звяртацца да айца Яўгена Мельніка МІС па тэлефоне: +375 44 751 39 91, а таксама Viber (на пададзены нумар тэлефона) i Telegram.
